Wararka laga helayo magaalada Baydhaba ayaa sheegay in Guddiga Doorashada K/Galbeed ay dib u bilaabeen shaqadooda iyagoo maanta shahaadooyin guddoonsiiyey musharixiin u taagan xilka madaxweynaha maamulkaasi.
Sheekh Mukhtaar Roobow Cali (Abuu Mansuur) oo hore loo guddoonsiiyey shahaadda musharaxnimada ayaa mar kale maanta guddoomay shahaado kale, kadib markii guddigii hore uu is -casilay, waxayna tani farriin cad u tahay dowladda Soomaaliya oo si hoose u raadineysay in Sheekha looga reebo tartanka.
Waxaa kaloo maanta shahaadada musharaxnimada la guddoonsiiyey Musharax Aadan Maxamed Nuur Saransoor oo ka mida xubnaha u taagan xilka madaxweynaha Koonfur Galbeed.
