Mid ka mida musharixiinta u taagan xilka madaxweynaha Soomaaliya ayaa sameystay hal-kudhig la mida oraahdii uu ololihiisa Doorasho ku galay madaxweynaha la doortay ee dalka Mareykanka Donald Trump.
Maxamuud Axmed Nuur (Tarsan) ayaa sheegay inuu SOOMAALIYA MAR KALE KA DHIGAYO NABADGELYO, isagoo ka soo qalin daartay Donald Trump oo halheyskii ololaha Doorashada ahaa: MAKE AMERIA GREAT AGAIN.
Doorashadii Guddoonka Baarlamaanka, gaar ahaan guddoomiye ku xigeenka oo looga adkaatay Faarax Sheekh C/qaadir ayaa rajo weyn gelisay musharixiinta mucaaradka ah ee xilka Madaxweynaha oo aamisan in iskaashi looga hortegi karo inaanu dib u soo laaban Xasan Sheekh.
I believe that I will make Somalia save again with the will of Alaah
— Mohamud Nur (Tarsan) (@MohamudTarsan) January 16, 2017
Musharax Tarsan oo ah nin xamaasad badan isla markaana u hadla si qayaxan ayaanay dad badan saadaalineynin inuu ku soo bixi karo xilka madaxweynaha, laakiin waxaa jira dareen ah in arrimo la yaab leh inay dhici karaan oo xaaladda oo dhan wax ka bedela.
Goobjooge.com
