Monday, December 9, 2019
More

    Muuqaal uu faafiyey Trump oo halis geliyay Amniga Ilhan Cumar & ciidamo gaara oo loo sameeyay

    Waxaa mar kale si weyn looga hadal hayaa dalka Mareykanka dood ka dhalatay haweeneyda Soomaaliga ah ee kamida Koongareeska Mareykanka Ilhaan Cumar oo weerar uu ku qaaday madaxweynaha Mareykanka Donald Trump.

    Muuqaal dib loo habeeyay ku saabsan qaraxyadii 11-ka Septembar oo la dhex geliyay hadalka Ilhaan Camar uu ku faafiyey Trump boggiisa twitterka, si loogu muujinay inay weerarkasi raali ka tahay ama aysan dan ka gelin; taasoo dhalisay in si weyn loogu cambaareeyo muuqaalkaasi oo la sheegay inuu ahaa mid halis gelinaya nolosha Ilhaan Cumar oo muuqaalkaasi loo fasirtay inay raali ka tahay ama yareysatay weerarradii 11-ka September ee Mareykanka lagu qaaday, laakiin muuqaalka uu faafiyey Trum ayuu ku dul qoray ‘MARNA MA ILOOBI DOONO’.

    Ilhaan Cumar ayaa lagu heystaa inay tiri “Qaar ka mida dadka ayaa sameeyay arrin” iyadoo ula jeeday weerarradii 11-ka Septtmber xilli ay khudbad ka jeedisay Golaha Muslimiinta Mareykanka, waxaana markaas kadib weerarro uga yimaadeen xubo xag jir ah oo ka mida xisbiga jamhuuriya, waxaana dadka qaarkii ay shaki geliyeen inay Mareykan dhaba tahay iyo in kale.

    Ilhaan waxa isbarbar taagay mudanayaasha Dimoqraadiga, siyaasiyiin waaweyn ee dadka magaca leh oo Madaxweyne Trump ku eedeeyay inuu faafiyo naceyb ka dhan ah Ilhaan, isagoo kusoo jeedinaya dadka xagjirka ah.

    Qoraal ay soo saartay Ilhaan ayay ku sheegay in kadin muuqaalkii uu faafiyey Trump ay heshay farriimo fara badan oo loogu hanjabayo, nolosheeduna ay halis ku jirto, waxaana markaas kadib loo sameeyay ciidamo gaara oo ammaankeeda suga iyada, shaqaalaheeda iyo qoyskeeda.

    Ilhan Omar

    Hoggaamiyaha aqlabiyadda Dimoqraadiga Nancy Pelosi ayaa is garab taagtay Ilhaan Cumar, waxayna Trump ugu baaqday inuu boggiisa ka saaro muuqaalka dadka ku boorinaya naceybka oo halis ku ah nolosha qof ka mida Koongareeska Mareykanka.

    Ilhan Omar iyo Nancy Pelosi

    Aqalka Cad ayaa isna soo saaray war uu ku beeniyay in madaxweyne Trump uu muuqaalka uga dan lahaa inuu abuuro cadaawad iyo naceyb, waxayna arrintan kala qeybisay dadka Mareykanka.

    Magaalooyin badan oo Mareykanka ka tirsan iyo baraha bulshada ayaa waxaa ka socda olole lagu taageerayo Ilhaan Cumar oo weerarro joogto ah kala kulmeysa Trump iyo xisbiga Jamhuuriga.

    Trump ayaa haddana daqiiqo ka hor u jawaabay guddoomiyaha Aqbaliyadda Koongareeska Nancy Pelosi, isagoo ku eedeeyay inay waxba ka qaban weyday ereyadii Yuhuud naceybka ee ay jeedisay Ilhaan Cumar.

    WARARKII UGU DANBEEYAY

    TOOSHKA GOOBJOOGEXOGAHA
    LAGUU SOO XULAY

    XOG: Dowladda Somalia oo xayiraad saartay Sawir-qaadihii la socday Almaas Elman & la-taliyaha Madaxweynaha oo difaacay…

    Dowladda Soomaaliya ayaa muddo ka badan toddobaad xayiraad saartay sawir-qaadihii la socday marxuumad Almaas Elman oo Arbacadii 20-ka bishan Novembar lagu dhex...

    XOG: Sidee ku timid magacaabista Xeer ilaaliyaha cusub ee Qaranka..? [Awood qeybsi lagu qancinayo Puntland]

    Madaxweynaha Soomaaliya Maxamed C/llaahi Farmaajo ayaa maanta magacaabay xeer ilaaliyaha guud ee Qaranka, isagoo xilkii ka qaaday xeer ilaaliyihii hore Axmed Cali...

    Sidee loo dilay Almaas Elman Cali Axmed? [Warbixin ku saabsan su’aalo ka dhashay Dilkeeda & Taariikhda Qoyska]

    Allaha u naxariistee waxaa maanta lagu dilay gudaha Xerada Xalane ee magaalada Muqdisho Almaas Elman Cali Axmed oo ahayd haweeney hore u...

    Wakiilo ka kala socday Madaxweyne Farmaajo & Sheekh Shariif oo shirkii ugu horeeyay yeeshay & Qabanqaabada..

    Wakiilo ka kala socda Madasha Xisbiyada ee uu hoggaamiyo Madaxweynihii hore Shariif Sheekh Axmed iyo Madaxweynaha Soomaaliya Maxamed C/llaahi Farmaajo ayaa xalay...
    error: Content is protected !!