Qarax xoog leh ayaa ka dhacay magaalada Paris ee dalka Fransiiska, kadib markii ay mar kaliya qaraxday xarun Foorno ku taalla bartamaha Paris.
Qaraxa ayaa la sheegay inuu ka dhashay Gaas fakaday oo Foornada u gudbay, wuxuuna dhaliyey dab iyo qarax aad u weyn, iyadoo wararkii ugu danbeeyay sheegayaan in ilaa 9 qof ay si xun ugu dhawacmeen, waxaan dhismaha laga soo badbaadiyey dadkii ku jiray.
Qaraxa ayaa baabi’iyey Foornada Hubert oo ku taalla Geeska waddooyinka isku gudban ee Saint-Cecile iyo Rue de Trevise. Gadiidka dab-damiska iyo shaqaalahooda ayaa goobtaasi gaaray oo markii danbe ku guuleystay inay damiyaan dabkii ka dhashay qaraxa oo dhaliyey burbur xoog leh.
