Ra’iisul Wasaaraha xukuumadda Soomaaliya Xasan Cali Kheyre ayaa maanta u dhoofay magaalada Nairobi ee dalka Kenya.
Ra’iisal wasaare Kheyre ayaa la sheegay inuu martiqaad ka helay Madaxweynaha Kenya Uhuru Kenyatta, waxaana inta uu joogo dalka Kenya uu wadahadal la yeelan doonaa madaxda dalka Kenya, sida Madaxweynaha Kenya Uhuru Kenyatta, iyagoo ka wada hadli doona xiriirka labada dal, iskaashiga dhaqaalaha iyo Amniga.
Heshiisyo kala duwan oo ay hore u kala saxiixdeen labada dal ayaan dhaqan gelin sida ganacsiga. Wuxuu socdaalkan ku soo beegmay laba toddobaad kadib markii kooxda Alshabaab ay weerar xoog leh ku qaaday magaalada Nairobi iyo eedeymo kasoo baxay Booliska Kenya oo ku saabsan in kooxdii weerarka geysatay ay wataen hub ay leedahay dowlada Somalia.
