Dowladda Mareykanka ayaa ka dhawaaqisay arrin naxdin ku riday xildhibaanada iyo musharixiinta Soomaalida ee heysta dhalashada dalka Mareykanka.
Qoraal la soo dhigay barta safaaradda Mareykanka ee Soomaaliya ku leedahay twitter-ka ayaa lagu cadeeyay in Mareykanka ay ka go’an tahay Doorasho ku dhisan nidaam la isku haleyn karo oo Soomaaliya ka dhacda, waxaana qoraalkaasi lagu sheegay in kiisaska musuqmaasuqa waaweyn ee ay ku kacaan muwaadiniinta Mareykanka ee dunida inteeda kale ka dhaca lagu qaadayo sharciga Mareykanka.
US committed to a credible electoral process in #Somalia; grave instances of corruption by US citizens overseas are punishable under US law
— U.S. Mission-Somalia (@US2SOMALIA) December 28, 2016
Arrintan ayaa loo arkaa digniin culus oo la siiyay xildhibaanada heysta dhalashada Mareykanka oo kiisas dacwooyin ah la keenay iyo qaar u sharxan xilalka sare ee doonaya inay adeegsadaan laaluush.
Safaaradda Mareykanka ayaa loo gacan geliyay dacwooyin tiro badan oo ku saabsan falal isugu jira musuq iyo tacadiyo awood sheegasho oo ay ku kaceen xildhibaano heysta dhalashada Mareykanka.
Goobjooge.com
