Kooxda Kubadda Cagta ee degmad Waaberi ayaa sanadkii labaad noqotay horyaalka degmooyinka Gobolka Banaadir markii ay caawa Garoonka banaadir stadium uga badisay kooxda degmada Shibis ciyaartii kama dambeysta ahayd.
Madexweynaha soomaaliya Maxamed Cabdulaahi Farmaajo ayaa koobka degmooyinka guddoonsiiyey kooxda Waaberi, kadib markii Ciyaarta kama dambeysta ahayd ay 1-0 uga badisay kooxda degmada Shibis, tartankii Degmooyinka Gobolka Benaadir.
Waa sanadkii labaad oo xariir ah oo ay kooxda Degmada Waaberi ku guuleysato ciyaaraha koobka degmooyinka Gobolka Banaadir, waxaana garoonka buux dhaafiyey taageerayaal fara badan, iyadoo ay ahayd markii labaad ee ciyaartan la qabto xilli habeen ah.
