Wasaaradda Gaashaandhigga Soomaaliya ayaa maanta la wareegtay deeq isugu jirtay gaadiid iyo qalab-xafiiseed oo dawladda Masar ay ugu deeqday Wasaaradda Gaashaandhigga.
Munaasabadda wareejinta deeqdaasi oo ka dhacday Dekadda Muqdisho waxaa ka qeyb galay wasiir ku-xigeenka Wasaaradda Gaashaandhigga Cabdalla Xuseen Cali iyo Safiirka dawladda Masar Waliid Ibraahim. Danjire Waliid ayaa sheegay in gaadiidka maanta ay ku wareejiyeen Wasaaradda Gaashaandhigga uu qeyb ka yahay taageerada Dowladda Masar ay siineyo Dowladda Federaalka ah ee Somaaliya.
Wasiir ku-xigeenka Wasaaradda Gaashaandhigga Cabdalla Xuseen Cali, ayaa u mahadceliyay Dowladda Masar gaadiidka ay ku wareejisay oo uu sheegay inay wax weyn ka tari doonaan tayeynta iyo dib u dhiska Wasaaradda, isagoo xusay in dawladda Masar ay sidoo kale ugu deeqday Qalab xafiiseed.
DAAWO SAWIRRO