Waxaa maanta si rasmi ah shirka Dib u heshiisiinta ee magaalada Beledweyne ugu biiray wafdi hogaaminayo Ugaas Cismaan Ugaas Cilmi Ugaas Cumar iyo nabadoono iyo waxgaradka ka tegay Muqdisho.
Wafdiga Ugaaska Beessha Ciise Muddulood Ugaas Cumar Ugaas Cilmi waxaa Garoonka Diyaaradaha Ugaas Khaalif ku soo dhoweeyay Duubabka Dhaqanka Gobolka Hiiraan, Nabadoon, Waxgarad iyo Weybaha kala duwan ee Bulshada.
Ugaaska Wafdiga waxay degdeg u tageen xarunta Shirka dib u heshiisiinta Beelaha dega gobolka Hiiraan oo ay ku soo dhoweeyeen Xildhibaan C/llaahi Goodax Barre, Ugaas Xasan Ugaas Khaliif iyo ugaasyada Duubabka dhaqanka Gobolka Hiiraan.
Ugaas Cusmaan Ugaas Cilmi Ugaas Cumar ayaa khudbad uu ka jeediyay shirka dib u heshiisiinta Beledweyne ka sheegay farriin uu u diray Madaxweynaha dowlada Federaalka Xassan Sheekh Maxamuud, isagoo sheegay in looga baahan yahay in gogosha Shirka maamul u sameynta Gobollada Hiiraan iyo Shabeellaha Dhexe uu dib ugu soo celiyo Magalaada Beledweyne.
Ugaas Xassan Ugaas khaalif iyo qaar ka mida Duubabka Dhaqanka Gobolka Hiiraan ayaa si diiran ugu soo dhoweeyay shirka Duubka cusub ee ku soo biiray shirka beelaha gobolka Hiiraan.
DAAWO SAWIRRO
Goobjooge.com
