Soomaaliya ayaa maanta si rasmi ah ula wareegeysa guddoominta Ururka Jaamacadda Carabta wareegiisa 151-aad, iyadoo muddo lix bilood shir guddoomin doonta dhammaan Golayaasha Jaamacadda Carabta.

Maamuus loo sameynayo dhacdadan ayay dowladda Soomaaliya waxay maanta qabanqaabisay Qado sharafeed lagu soo dhoweynayo arrintan oo ay ka qeyb galayaan 300 ruux oo ay ka mid yihiin Wasiirrada Arrimaha Dibadda Carbeed, ergooyinka joogtada , danjirayeyaal, diblomaasiyiin iyo marti sharaf kale.

Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad ayaa shalay kulan la yeeshay Wasiirka Arrimaha Dibadda Masar Masar Sameh Shoukry oo ay ka wadahadleen xoojinta xiriirka laba geesoodka iyo iskaashiga.