Taliska ciidamada Booliska Soomaaliyeed ayaa War-saxaafadeed kasoo saaray weerarkii Dabley ka tirsan Alshabaab xalay ku galeen Hotelka SYL ee magaalada Muqdisho.
War-saxaafadeedka ayaa lagu sheegay in la dilay dhammaan 5-tii dableyda ahayd ee argagixisada Alshabaab, isla markaana qaraasaha ka dhashay weerarka inta la xaqiijiyey uu yahay 5 qof oo isugu jira 3 shacab ah iyo 2 askari, halka lagu dhaawacay 11 oo 9 ka mida ay shacab yihiin iyo 2 askari.
Warka kasoo baxay ciidamada Booliska ayaa ah kii ugu horeeyay ee noociisa ah oo laga soo saaro weerar Alshabaab ka geystaan magaalada Muqdisho, waxaana ilo kale ay sheegayaan in qasaaraha intaas ka badan yahay.
HOOS KA AKHRISO WAR-SAXAAFADEEDKA
