Musharaxa xilka Madaxweynaha Soomaaliya Maxamuud Axmed Nuur (Tarsan) ayaa sheegay inuu sanad gudihiis uu Alshabaab meel ku saari doono haddii la doorto.
“Aniga haddii aan qabto hogaanka dalka, sanad gudihiis Alshabaab magaalada (Muqidsho) qof kuma dili doonto” ayuu yiri Tarsan oo intaas ku daray in ammaanka uu u mari doono dadka khibradda u leh oo aan qabiil lagu soo xuli doonin.
Isagoo wareysi siiyay idaacadaha gudaha ayuu ku sheegay in dalka aysan u dhisneyn hay’ado ammaan, ciidamaduna baahan yihiin oo aanay suuragal ahayn in askari aan mushaar qaadan laga sugo ammaanka.
DHAGEYSO MUSHARAX TARSAN
Goobjooge.com
