Wararka laga helayo magaalada Kismaayo ee xarunta maamulka Jubaland ayaa sheegaya in gebi ahaan magaalada la xiray oo xaalad bandow ah ay ku jirto.
Ciidamada ammaanka ayaa xiray wadooyinka magaalada iyadoo la joojiyay isu socodka dadka iyo gaadiidka, waxaana magaalada maanta ku wajahan wafdi uu hoggaaminayo madaxweyne Farmaajo.
Arrintan ayaa ka danbeysay kadib markii shalay weerar bam lagu qaaday saldhigga booliska magaalada, kaasoo dhaliyay qasaare dhimasho iyo dhaawac leh.
Madaxweyne Farmaajo ayaa Kismaayo booqan doona iyadoo ay noqoneyso socdaalkiisii saddexaad ee uu ku tago xarumaha maamul goboleedyada dalka.
Goobjooge
