Shil gaari oo caawa ka dhacay inta u dhaxeysa degaanka Saddex Higlo iyo Bandiiradley ee Gobolka Mudug ayaa la xaqiijiyay inay ku geeriyoodeen Wasiiru Dowleyaal ka tirsan maamulka Galmudug.
Labada wasiir ka sokow waxaa kaloo shilka ku dhintay oday Dhaqameed iyo mid kamida ilaalada wasiirada, Galmudug ka mid yahay.
Wasiiru dowleyaasha shilkan ku dhintay waxay kala yihiin: Wasiir Dowlihii Howlaha Guud ee Galmudug Aweys Cali Saciid iyo Wasiir Dowlihii Wasaaradda Maaliyada Galmudug C/ladiif Baashe Magan.
Waxaa kaloo shilka ku dhintay Nabadoon C/llaahi Guuleed Axmed Digsi oo ka mid ah Waxgaradka Galmudug iyo Askari Ilaalo u ahaa Wasiiradda Geeriyooday. Nabadoonka ayaa ku dhaawacmay shilka, wuxuuna markii dambe u geeriyooday dhaawacaasi.
Labada wasiir ayaa Gaalkacyo u joogay arrimo ku saabsan ololaha doorashada 2016, waxayna kasoo baxeen Gaalkacyo iyadoo ku socday Magaalada Cadaado.
Meydkooda ayaa dadka degaanka Saddex Higlo ay urriyeen, waxaana la filayaa in dib loogu celiyo Magaalada Gaalkacyo.
Goobjooge.com
