Wararka laga helayo Gobolka Jubbada Hoose ayaa sheegay in Duqeyn cirka ah ay xalay ka dhacday duleedka Magaalada Kismaayo, iyadoo qasaare dhimasho leh ay sababtay.
Diyaarad dagaal oo la sheegay inay ahayd nooca is-wada (Drone) ayaa weerar ku qaaday tuulada Lafta Quraameys ee degaanka Buula Xaaji oo 90- KM u jira magaalada Kismaayo, iyadoo la sheegay in duqeyntaasi ulagu dilay 3 qof, halka qof kale ku dhaawacmay.
Warbaahinta Alshabaab ayaa sheegtay in dadka duqeynta lagu dilay saddex qof oo kuwa Dhuxusha shida oo ahaa reer Miyi xilligaasi Dab u shidnaa ayna cunto karsanayeen.
Weerarkan ayaa la filayaa inay qaadeen ciidamada Mareykanka, iyadoo aanay weli War ah kasoosarin Taliska Mareykanka ee Afrika (AFRICOM).
