Wiil dhalinyaro ah oo ka howlgala Wasaaradda Amniga Dowladda Federaalka ayaa ku dhintay qaraxii caawa ka dhacay magaalada Muqdisho.
Allaha u naxariistee waxaa dhaawac qaraxa ka soo gaaray u geeriyooday dhintay Ilyaas Maxamed Sheekh C/kariim oo la socday Gaariga Wasiir ku xigeenka Amniga xukuumadda Soomaaliya C/naasir Siciid Muuse; waxaana dhaawac culus kasoo gaaray, isagoo kadib u geerooday.
Marxuum Ilyaas ayaa ahaa ka mid ahaa dhalinyarada wax ku baratay magaalada Muqdisho, isagoo ka mid ahaa shaqaalaha Wasaaradda Cadaaladda, waxaana adeer u ahaa Xildhibaan Faarax Sheekh C/qaadir, iyadoo ay tacsi u direen mas’uuliyiin iyo saaxiibo kala duwan oo geeridiisa ka naxay.
Qaraxa sababay geerida Marxuum Ilyaas Maxamed Sh. C/kariin ayaa ka dhacay Jidka Maka Almukarama agagaarka Jidka Taleex, waxaana lala beegsaday Gaariga Wasiir ku xigeenka Amniga Soomaaliya C/naasir Siciid.
Alshabaab ayaa sii xoojisay weerarrada miinada ee ay la beegsaneyso mas’uuliyiinta iyo saraakiisha dowladda Federaalka.