Madaxweynaha maamulka Galmudug Axmed Ducaalle Geelle Xaaf ayaa ku lebistay dareyska milateriga, isagoo booqday  xerada Ciidamada Daraawiishta Galmudug ee Magaalada Gaalkacyo.

Madaxweyne Xaaf ayaa Ciidamadaas ugu baaqay in ay u diyaar garoobaan dagaal ka dhan ah Al-Shabaab, isagoo sheegay in Ciidamada Galmudug ay dhowaan qaadi doonaan dagaal ka dhan ah Al-Shabaab ee ku sugan degaanka Xarardheere.

“Waxaan maanta booqday xerada Ciidamada Daraawiishta Galmudug ee ku taala duleedka Magaalada Galkacyo, waxaana Ciidamada daraawiishta faray inay u diyaar garoobaan sidii dib loogu soo celin lahaa deegaanada ay shabaab ka haystaan Galmudug”ayuu yiri Xaaf oo culeys siyaasadee ka heysto madaxda Galmudug ee ay is khilaafsan yihiin.