Madaxweynaha Federaalka Soomaaliya Xasan Sheekh Maxamuud oo ah musharax u taagan xilka madaxweynaha
ee doorashada 2016 ayaa maanta shirweyne lagu taageerayo musharaxnimadiisa ku qabanaya mid ka mida hoteelada Muqdisho xilli Wasiiradiisa Amniga ay mamnuucday shirar siyaasdaeed lagu qabto hoteelada Muqdisho iyadoo aan fasax laga heysan.
Shiran oo Beesha Madaxweynaha kasoo jeeday ku taageereyso inuu dib ugu soo laabto talada ayaa maanta ka dhacaya Hotelka City Place ee magaalada Muqdisho, waxaan qabanqaabadiisa la waday maalmihii ugu dambeeyay.
Taageerayaasha Madaxweyne Xasan Sheekh oo waqti hore bilaabaya ololaha ay ku doonayaan in Xasan Sheekh mar labaad loo doorto xilka madaxweynaha Soomaaliya, waxaana la sheegayaa inuu heysto hanti badan oo u xaqiijineysa inuu helo codadka tirada ugu badan xildhibaanada labada aqal ee Baarlamaanka.
Musharaxiinta iyo xisbiyadda siyaasadda ayaa dacwad ka dhan ah wasaaradda Amniga gudbiyay Maxkamadda Sare iyagoo ka horjeeda in laga joojiyo shirarkii ay yeelan lahaayeen.
Goobjooge.com
