Wararka laga helayo magaalada Gaalkacyo ee Gobolka Mudug ayaa sheegaya in kooxo hubaysan ay caawa ku dileen xaafada Garsoor ee magaladaasi Siciid Xayle oo ka tirsanaa Golaha degaanka Gaalkacyo.
Dilka Xildhibaankan degaanka ayaa waxaa geystay dabley aan la garan heybtooda, waxaana dilkiisa kadib goobt tegay ciidanka ammaanka Puntland ee magaalada Gaalkacayo oo baaritaano aan cidna lagu soo qaban sameeyay.
Falalka dilalka qorsheysan ayaa si weyn ugu kordhay magaalada Gaalkacyo qeybta ah Puntland ka taliso, wuxuuna dilkani noqonayaa kii saddexaad oo bishan Ramadaanka kaliya lagu dilo magalada Gaalkacyo.
Waxaa isla Gaalkacyo lagu dilay gudoomiyihii ururka haweenka Gobalka Mudug iyo wakiilkii wasaradda Qorsheynta ee Gobalka Mudug.
Goobjooge.com
