Dagaalkii shalay ka qarxay magaalada Beledweyne ayaa maanta mar kale dib uga bilowday halkaasi, iyadoo labada maleeshiyo beeleed ay saaka isku fara saareen suuqa xoolaha ee Galbeedka magaalada.

Wararka ka imaanaya Magaalada Baledweyne ayaa sheegaya in dagaalka saaka uu dhaliyay qasaare kale, waxaana la xaqiijiyay inay ku dhinteen dhowr qof iyo dhaawac weli wararkiisu soo baxayaan.

Odayaasha iyo Waxgaradka Gobolka Hiiraan ayaa ku howlan joojinta dagaalka galay  maalintii labaad. Ugaas C/raxmaan Ugaas Khaliif ayaa labada dhinac ugu baaqay inay joojiyaan dagaalka.

Ciidamada AMISOM iyo kuwa dowladda ayaan weli ku guuleysan inay dhex galaan labada beelood ee is hor fadhiya.

Goobjooge.com