Khilaafka hareeyay degaan doorashada labaad ee Jubbaland iyo Kuraasta Baarlamaanka Federaalka ee taalla Gobolka Gedo waxay lasoo bilowdeen shirarkii Doorashada iyo Heshiiskii Septembar 2020.
Kuraastii la asteeyay Magaalada Garbahaarey waxaa lagu qoray 16 kursi oo halkaas lagu dooran lahaa, laakiin waxaa dhacday inay Dowladii Farmaajo ay ku dagaalanto in xildhibaannada Gedo kasoo baxaya ay iyada soo saarato, taasoo dhalisay in xal loo heli waayo khilaafka Villa Somalia iyo Jubbaland oo ay ka haraan Doorashadii dalka.
Dadka intooda badan waxay u heystaan in dhammaan 16-ka kursi ee Gobolka Gedo ay leeyihiin Beesha Mareexaan, laakiin xaqiiqada waxay tahay 10 kursi ay leedahay Beeshaasi, lixda kursi ee kalena ay leeyihiin beelaha Soomaalida sida Digil/Mirifle iyo Dir.
Hoos ka Akhriso shaxda kuraasta Gobolka Gedo iyo beelaha leh:
| BEESHA | TIRADA XILDHIBAANNADA |
| Mareexaan | 10 xildhibaan |
| Macallin-weyne | 1 Xildhibaan |
| Gabaa-weyn | 1 Xildhibaan |
| Gasar-Gude | 1 Xildhibaan |
| Garre | 1 Xildhibaan |
| Gaadsan | 1 Xildhibaan |
| Fiqi Muxumed | 1 Xildhibaan |
