Sunday, April 11, 2021

Beesha Caalamka oo War cusub & Baaq kasoo saartay Shirka Afisyoone ee Madaxda Soomaalida (Akhriso)

Saaxiibada Beesha Caalamka ee Soomaaliya ayaa ugu baaqay madaxda dowladda federaalka ah ee Soomaaliya iyo dowlad goboleedyada inay heshiis ka gaaraan is-mari waaga ka taagan qabashada doorashooyinka dalka.

“Iyadoo ay Soomaalidu u diyaar garoobayaan soo dhaweynta Bisha Barakeysan ee Ramadaan, Beesha Caalamigu waxay muujinayaan rajo ah in mabaadi’da aasaasiga ah ee milicsiga, dulqaadka, Iscafinta iyo dib-u-heshiisiintu ay u horseedi doonaan guul shir madaxeed oo ay yeeshaan hoggaamiyeyaasha Dowladda Federaalka iyo Dowlad Goboleedyada xubnaha ka ah Federaalka,” ayaa lagu yiri qwar-saxaafadeed kasoo baxay saaxiibada caalamka.

Saaxiibada caalamka ayaa sidoo kale ku booriyey madaxda Soomaalida in wada hadalakan “ay hormuudka ka tahay Soomaalida islamarkaana ay Soomaali leedahay uu horseed u noqon doonto xallinta dhammaan arrimaha taagan iyo in la oggolaado hirgelinta geeddi-socodka doorashooyinka ee 17 September.”

Ad

Qoraalka ayaa intaas ku daray in heshiiska noocan oo kale ah, uu noqon doono hadiyad bisha Ramadaan u gaar ah dadka Soomaaliyeed.

“Waxaan ku boorineynaa madaxda DFS iyo DXDF inay fursaddan u adeegsadaan inay ku xalliyaan khilaafaadkooda oo ay sameeyaan waxyaabaha lagama maarmaanka u ah si loo hubiyo in doorashadu noqoto mid lagu kalsoonaan karo,waqtigeeda, iyo si nabad ah ku qabsoomi karta iyadoo aan dib-u-dhac dambe ku imaan si loogu oggolaado Soomaaliya inay horay u socoto,” ayaa lagu yiri war-saxaafadeedka.

Qoraalka beesha caalamka ayaa imanaya ayada shirkii lagu waday inay maanta mar kale yeeshaan hoggaamiyayaasha dawladda federaalka iyo kuwa maamul goboleedyada, mar kale dib loo dhigay, sida ay sheegtay warbaahinta ku hadasha afka dawladda Soomaaliya.

Shirarkan oo lagy tilmaamay kuwo hordhac u ah ayaa qorshahoodu yahay in looga hadlo ajandayaasha shirka rasmiga ah ee ku saabsan doorashada waddanka.

War-saxaafadeedka beesha caalamka ayaa waxaa soo saaraay: Hawlgalka Midowga Afrika ee Soomaaliya (AMISOM), Belgium, Canada, Shiinaha, Denmark, Jabuuti, Itoobiya, Midowga Yurub (EU), Finland, Faransiiska, Jarmalka, Urur-Goboleedka (IGAD), Ireland, Talyaaniga, Japan, Ururka Jaamacadda Carabta (LAS), Holand, Norway, Ururka Iskaashiga Dalalka Islaamka (OIC), Ruushka, Qadar, Suudaan, Iswiidhan, Iswisarland, Turkey, Ughaanda, Boqorto.

- Advertisement -
- Advertisement -

NAGULA SAAXIIB BARAHA BULSHADA: Like Saar

156,477FansLike
2,430FollowersFollow
5,835FollowersFollow
156,477FansLike
2,430FollowersFollow
5,835FollowersFollow

TOP NEWS

XOGAHA QARSOON

error: Content is protected !!