Waxaa maanta magaalada Dhuusamareeb gaaray ergada beesha Saleebaan H/Gidir oo hore u qaadacay shirkaasi, iyagoo ku biiray shirka dib u heshiisiinta beelaha Galmudug oo dhowaan ka furmaya magaaladaasi.
Ergada reer Cadaado ku meteli doona shirka dib u heshiisiinta beelaha dega deegaannada Galmudug ayaa laga qaaday magaalada Muqdisho, waaana Garoonka Diyaaradaha magaalada Dhuusamareeb kusoo dhoweeyay xubnaha Guddiga dib u heshiisiinta Galmudug iyo odayaasha magaalada Dhuusamareeb.
Tegista magaalada Dhuusamareeb Beesha Cadaado ayaa shirka ka dhigeysa in dhammaan beelaha Galmudug ay shirkaasi ka qeyb galayaan, kadib is mari waa’ muddo socday oo u dhaxeeyay beelahaasi.
