Ciidamada Booliska ayaa soo bandhigay waxyaabaha qarxa oo la sheegay in lagu soo qabtay howlgallo ay sameeyeen ciidamada iyo afar dhalinyaro oo la tuhunsan yahay.
Afhayeenka Booliska Sadiiq Aadan Doodishe oo goobta lagu soo bandhigay waxyaabaha qarxa ayaa sheegay in howlgalka uu ka dhacay Muqdisho iyo agagaarkeeda, sidoo kalena uu baaritaan ku socdo 4 xubnood oo ka tirsan Alshabaab.
Xubnaha Alshabaab ee la qabtay oo aan lasoo bandhigin ayuu afhayeenka Booliska sheegay inayAlshabaab u qaabilsanaayeen Amniyaadka iyo Dhaqaalaha, isla markaana uu baaritaan ku socdo.
Lama sheegin goobaha laga soo qabtay qalabka iyo waxybaaha qarxa iyo dadkii lagu soo qabtay qaraxyadan midna.
