Tuesday, May 18, 2021

Akhriso: Warbixin AP ka qortay Culeyska kusii kordhaya Maxamed Farmaajo iyo Shirkii Golaha Amniga

Golaha amaanka ee Qaramada Midoobay ayaa xalay ugu baaqay hogaamiyayaasha Soomaalida in ay ku kulmaan fursadda ugu horreysa si looga gudbo is-mari waaga siyaasdeed ee dib u dhigaya qabashada doorashooyinka ee qorshuhu ahaa inay dhacaan 8-dii Febraayo.

Warbixinta Wakaalada wararka AP ka qortay shirkii Golaha Amniga ee Xaaladda Soomaaliya oo ahaa kulan albaabada u xirnaayeen ayaa lagu sheegay inuu Golaha warbixin ku siiyey ergeyga gaarka ah ee Xoghayaha Guud ee Q/Midoobay James Swan, waxa ay ku sheegeen in doorasho loo dhan yahay ay u qabsoonto sida ugu dhaqsiyaha badan, iyadoo la eegayo, ayuu goluhu yiri, danta ummada Soomaaliyeed.

Culeyska ayaa ku sii kordhayey madaxweyne Maxamed Cabdullaahi Farmaajo tan iyo markii ay guul-darreysatey doorashadii February kadib markii la isku raaci waayey sid ay doorashadu u dhaceyso. Madaxda laba maamul goboleed ayaa sheegey in haddii aanan heshiis la gaarin aysan ka qeybgeli doonin doorashada.

Ad

Qodobada la isku mari la’yahay waxaa ka mid ah sameynta guddiga maamulaya doorashada, soo xulista xubnaha guddiga doorashada ee Somaliland ama gobolada waqooyi iyo xiisadda gobolka la isku hayo ee Gedo.

Dadka dura madaxweyne Farmaajo oo raadinaya in mar kale lasoo doorto ayaa ku eedeynaya inuu dib u dhigayo doorashada si uu usii ballaarsado mudo xileedkiisa dhamaadey, wuxuuna madaxweynuhu dhankisia eedeyn u jeediyey faragelin shisheeye oo aanan la magacaabin.

Golaha Amaanka ayaa ugu yeerey dhinacyada Soomaalida in ay xalliyaan arrimaha taagan, iyadoo lagu saleynayo heshiiskii 17-kii September.

- Advertisement -

Baaqan ayaa ah kii labaad muddo bil gudaheed ah oo ay golahan oo ah kan ugu awoodda badan QM uu kasoo saaro arrimaha doorashada Soomaaliya.

March 12-keedii, golaha ayaa usoo jeediyey madaxda dowlada dhexe iyo kuwa dowlad goboleedyada in ay diyaariyaan doorasho xor ah, xalaal ah lana aamini karo oo loo dhan yahay, iyadoo la raacayo heshiiskii September 17-kedii dibna aanan loo dhigeyn.

Safiirka Britain ee golaha amaanka Barbara Woodward oo kulankan isugu yeertey iyada iyo xubno kale oo golaha ka tirsan ayaa sheegtey in James Swan uu u sheegey golaha in hanaanka doorashada Soomaaliya ay u baahan tahay dareen deg deg ah.

Waxaa kaloo ay sheegtey in goluhu soo dhaweynaayo dadlaalada uu wado Danjire Swan ee dhinacyada la isugu keenayo, si loo sii ambaqaado hanaanka doorashada, sida ugu dhaqsiyaha badan iyadoo aanan gorgortan la gelineyn.

NAGULA SAAXIIB BARAHA BULSHADA: Like Saar

158,310FansLike
2,430FollowersFollow
5,842FollowersFollow
158,310FansLike
2,430FollowersFollow
5,842FollowersFollow

TOP NEWS

XOGAHA QARSOON

error: Content is protected !!