Wararka laga helayo Gobolka Mudug ayaa sheegaya in xiisad colaadeed ay ka taagan tahay ciidamo iyo maleeshiyo kala taabacsan maamulada Puntland iyo Galmudug.
Ciidamadan ayaa la sheegay inay isku hor fadhiyaan duleedka degaanka Balibusle ee Gobalka Mudug, waxaana dadka degaanka sheegeen in labada dhinac ee Puntland iyo Galmudug ay ciidamo ku daad gureeyeen halka loo yaqaan Ceel-la-helay oo 20-KM Koonfur ka xigta Balibusle.
Waxaa laga cabsi qabaa in dagaal ka dhex qarxo labada dhinac, iyadoo xiisada degaankaasi ka taagan ay ka dhalatay ciidamo ka tirsan Galmudug oo hore u tegay Ceel la helay.
Dadkii reer Miyiga ahaa ee degaankaasi ayaa isaga qaxay kadib ciidamada faraha badan ee halkaasi la geeyay, waxayna arrintan u muuqataa xiisad coleed oo Mudug ka dhacda.
Goobjooge.com
