Madaxweynayaasha Maamul Goboleedyada Soomaalida qaarkood ayaa dalbaday inay khudbado ka jeediyeen Kalfadhiga Baarlamaanka Soomaaliya oo maanta furmaya.
Madaxweynayaasha maamul Goboleedyada dalbaday inay ka hadlaan kalfadhiga labaad Baarlamaanka Federaalka waxaa ugu horeeyay madaxweynaha Puntland C/weli Maxamed Cali (Gaas), iyadoo aan la ogeyn waxa uu doonayo inuu u sheego xildhibaanada.
Markii uu soo baxay codsiga C/weli Gaas ayaa la sheegay in madaxweynayaasha maamulada kale ay iyaguna dalbadeen inay ka hadlaan baarlamaanka, taasoo keentay in dhammaantood ay guddoonka Baarlamaanka codsiyo gaarsiiyeen.
Lama oga in la aqbali doono iyo inkale, waxayse noqon doontaa markii ugu horeysay ee madaxda maamul Goboleedyada ay khudbado ka jeediyeen Baarlamaan Federaal ah.
Goobjooge
