Wararka laga helayo Gobolka Hiiraan ayaa sheegaya in markale uu dagaal ka qarxay galbeedka magaalada Beledweyne oo laba beelood ay ku dagaalamayeen.
Dagaalkan ayaa u dhaxeeya laba maleeshiyo Beeleed oo degaanka wada dega, waxaana dagaallada maanta socda ka dhashay qasaare isugu jira dhimasho iyo dhaawac.
Degaanka Baladul Nuur ee Galbeedka Magaalada Beledweyne ayaa la sheegay in si weyn loogu dagaalamayo, iyadoo uu ka dhashay xiisad dhul beereed la isku heysto.
Dadaallo loogu jiray daminta dagaalkan ayaan weli mira dhal noqon, iyadoo uu mar kale dagaalku ka qarxay saaka.
