Wararka laga helayo magaalada Jowhar ayaa sheegaya in ciidamada AMISOM ay la wareegeen ammaanka magaalada Jowhar iyo goobta ay ka socoto doorashada madaxda Hirshabeelle.
Ciidamada AMISOM ayaa isku gadaaay hoolka shirka iyagoo sugaya ammaanka shirka baarlamaanka Hirshabeelle oo goor dhow furmaya, waxaana xarooday xildhibaanada iyo xubnaha kale ee shirka.
Xildhibaanada maamulka Hirshabeelle ayaa galabta iyo caawa dhageysanaya khudbooyinka musharixiinta madaxweynaha ku xigeenka ee maamulka Hirshabeelle.
Waxaa xilka madaxweynaha ku tartamaya musharixiinta kala ah:
- Cali Cabdullaahi Cosoble
- Cali Maxamed Carraale
- Maxamed Cabdi Waare
Xilka madaxweyne ku xigeenka waxaa u taagan:
Guddomiyihii hore ee Gobolka Shabeelaha Dhexe Cali Guudlaawe Xuseen iyo Cali Xasan Taakow, inkastoo musharaxa danbe arrintiisa qasan tahay.
Goobjooge.com
