Madaxweynah Soomaaliya Xasan Sheekh Muqdisho ayaa xarunta Madaxtooyada xilligan kulan kula leh Siyaasiyiinta Madasha Samatabixinta ee uu hoggaamiyo Shariif Sheekh Axmed.
Xubnahan ayaa ayaa gaaray xarunta Madaxtooyada, waxaana u bilowday labada dhinac kulan hordhac ah, kaasoo noqonaya fadhigii ugu horeeyay ee Madaxweyne Xasan Sheekh la yeeshay madaxda mucaaradka ee sida weyn uga horjeeda.
Saxaafadda looma ogolaan kulanka u dhaxeeya siyaasiyiinta mucaaradka iyo Madaxweyne Xasan, War-saxaafadeeed kooban oo Madaxtooyada Soomaaliya kasoo baxay ayaa lagu sheegay in Madaxweynaha oo sii wada kulamada Gogosha Wadatashiga Qaran uu maanta Madaxtooyada Qaranka ku qaabilay masuuliyiin isugu jira Madaxweyne hore, Ra’iisul Wasaareyaal hore, Guddoomiyihii hore ee Baarlamaanka iyo xubno kale.
Lama sheegin Ajendaha kulanka iyo qodobada looga hadlayo, laakiin xubnaha mucaaradku ayaa caddeeyay inay doonayaan inuu Madaxweynaha ka noqdo isbedelka lagu sameeyay 4 ka mida cutubyada dastuurka.
Madasha mucaaradka ayaa sidoo kale dalbaneysa in la kala diro guddiga doorashooyinka oo ay ku eedeeyeen inuu yahay Guddi hal dhinac ah, iyagoo sidoo kale madaxweynaha ka doonaya inuu Madasha Qaran ee Wadatashiga dib ugu soo Puntland iyo Jubbaland.
Madaxweyne Xasan Sheekh ayaa hore u ballan qaaday inay furnaan doonto Gogosha wadatashiga, balse wuxuu ka horjeedaa dalabka mucaaradka ee arrimaha Dastuurka iyo Doorashooyinka, iyadoo aan la ogeyn sida ay heshiis uga gaari karaan.
