Qarax miino oo saaka ka dhacay xero ciidan oo ku taalla degmada Afgooye ee Gobolka Sh/Hoose ayaa sababay qasaare isugu jira dhimasho iyo dhaawac, iyadoo lagu khaarijiyay sarkaal sare.
Qaraxa ayaa ka dhacay gudaha xerada guutada 7-aad, waxaana la sheegay inuu ku geeriyooday G/Dhexe Maxamuud Saleebaan Salaad, oo ahaa abaanduulaha ururka 54aad ee ciidamada xoogga dalka.
Wararka aya sheegaya in qaraxa ay sidoo akle ku dhinteen 3 askari oo ka tirsanaa ilaalada gaarka ah ee sarkaalkan lagu dilay Qaraxa miinada oo ahaa mid qorsheysan.
Sarkaalka la dilay ayaa la sheegay inuu hoggaamin jiray howlgallada ciidamada ee inta u dhaxeysa Afgooye ee Saldhigga weyn ee ciidamada Balli-doogle.
La moga sida Alshabaab ugu suuragashay inay miino la geeyaan gudaha xerada, kuna beegsadaan sarkaalka, waxaase weli socda baaritaan, iyadoo ay goobta gaareen saraakiil iyo ciidmada dowladda oo arrintan ku baxay.
