Wararak laga helayo magaalada Boosaaso ayaa sheegaya in Guddoomiyaha gobolka Bari Yuusuf Maxamed Wacays (Dhedo) uu ka badbaaday qaraxa lala beegsaday Gaarigiisa.

Qaraxa ayaa ka dhacay magaalada Boosaaso, waxaana la soo weriyey inuu ahaa miino dhulka loo dhigay oo meel sare laga hagayey, iyadoo lagu qarxiyey gaariga Guddoomiyaha oo ay la socdeen ciidamo ilaalo u ahaa oo 3 ka mida ay ku dhaawacmeen.

Guddoomiyaha Gobolka Bari ayaa la sheegay inuu waqti yar ka hor ka degay gaariga inta aanu qaraxu qabsanin, isagoo ka badbaaday qaraxaasi, waxaana hadda socda baaritaan ku saabsan qaraxa oo ah kii ugu horeeyay ee noociisa ah oo ka dhaca magaalada Boosaaso.