Maxkamadda Ciidamada Qalabka sida ayaa maanta la soo taagay sarkaal ka tirsan ciidamada Badda oo dil u geystay Taliye Ku xigeenkii hore ee ciidanka badda Soomaaliya Saciid Aadan Yuusuf (Siciid Mariino).
Falkan dilka ay oo ka dhacay dekadda Muqdisho 18-kii Bishii Janaayo ayaa waxaa ku eedeysan Gaashaanle Sare C/naasir Xoosh oo ka tirsanaa ciidamada Badda Soomaaliya, kadib markii muran uu dhex maray taliye ku xigeenka ciidamada Badda, kaasoo xafiiskiisa dekadda Muqdisho ka dhacay.
Dacwadda ayaa saaka ka bilaabatay xarunta Maxkamadda Darajada koowaad Ciidamada Qalabka Sidda. Waxayna ku soo beegantay iyadoo Maanta ciidamada Badda ay u dabaaldegayaan Sanadguuradii 53-aad ee kasoo wareegatay aasaaskooda.
