Hoggaamiyaha ururka Khilaafada islaamiga ee Daacish u qaabilsan Soomaaliya Sheekh C/qaadir Muumin ayaa ka badbaaday duqeyn diyaaradaha Mareykanka ku qaadeen goobta uu ku dhuunto ee Gobolka Bari.

Madaxweynaha Maamulka Puntland C/weli Maxamed Cali ayaa xaqiijiyay in hoggaamiyihii kooxda Daacish ee Soomaaliya Cabdulqaadir Muumin uu ka badbaaday weerarkii ay Jimcihii Maraykanku u qaadeen buuralayda Gobolka Bari ee kooxdaasi Saldhigga u ah.

Weerarka oo Mareykanka ay sheegeen in dowladda Soomaaliya  ay xiriir kala sameeyeen ayaa ujeedkiisu ahaa in lagu dilo Sheekh Cabdulqaadir Muumin, laakiin laba jeer oo la duqeeyay goob lagu tuhunsanaa ay u suuragashay inuu ka badbaado.

Alsahbaab iyo Daacish ayaa ka wada howlgala Gobolka Bari iyadoo maamulka Puntland aanu ku guuleysan muddo sanado ah inuu halkaasi ka saaro.