Kooxda Alshabaab ayaa war soo saartay ku sheegtay inay madaafiic ku weerartay xarunta Madaxtooyada ee Villa Soomaaliya.

 Xarakada ayaa sheegtay in maanta barqadii ay 8 madfac la beegsatay Madaxtooyada oo ay ku suganyihiin madaxda ugu sarreysa dowladda Federaalka Soomaaliya, waxayna sheegtay Idaacadda Andalus ee ku hadasha afka Alshabaab inay taasi muujineyso sida dowlada Federaalka ugu fashlantay sugidda ammaanka caasimadda.

Weerarka  lagu qaaday Villa Somalia ayaa dadka degaanka ay xaqiijiyeen in ilaa saddex madfac ay ku dhaceen xaafado ku dhow madaxtooyada, iyadoo aan lasoo werin wax qasaare ah oo ay geysteen.