Wasiirka Amniga Maamulka Galmudug Cismaan Ciise Nuur (Taardhuleed) ayaa sheegay in kooxda Ahlu sunna ay u aqoonsan yihiin qeyb (Branch) ka tirsan Puntland oo aan lagu tilmaami karin magaca ay sheegtaan.
Mudane Taardhuleed ayaa sheegay in Galmudug lagu qasbay dagaalka ay la gashay Ahlusunna islamarkaana aanay aqbali doonin in degaanada Galmudug Xasilooni daro laga Abuuro.
Isagoo wareysi siiyay mid ka mida Idaacaddaha Muqdisho ayuu ku eedeeyay in dagaalkii ka dhacay degaanka Godinlabe ay qeyb ka ahayd Puntland.
Dhinaca kale Ahlu sunna ayaa qiratay inay dagaalka qaaday kadib markii maleeshiyo beeleed Godinlabe fadhigeedu yahay oo rasaas ku socoto ay soo magansadeen.
Goobjooge.com
