Madaxtooyada Soomaaliya ayaa tacsi u dirtay dowladda shacabka Masar iyadoo uga tacsiyadeysay weerarradii ka dhacay maanta Kaniisado ku yaala dalkaasi oo ay ku dhinteen 43 qof.
Qoraal lagu qoray bogga rasmiga ah ee twitterka Villa Somalia ayaa lagu sheegay in tacsi tiiraanyo ay u dirayaan shacabka iyo dowladda Masar, ehelada iyo qoysaskii Shadiidiinta Kaniisada Tanta iyo Alexsandria, waxayna u rejeeyeen dhaawaca caafimaad, iyadoo lagu gabagabeeyay in argagixisada aanay diin lahayn.
Tacsiga Madaxtooyada Soomaaliya u direyso qaraxyada ka dhaca dalaka dibadda iyo dadka ajnabiga ah ee ku dhinta dalalka dunida ayaa si joogto u socota, taasoo ka mida diblomaasiyadda iyo xiriirka caalamiga ah.
Dhinaca kale waxaa maalmahan magaalada Muqidsho ka dhacayay qaraxyo madaafiic ay dad badan oo shacab ah ku dhinteen, iyadoo ay ugu danbeeyeen madaafiicdii shalay dadka ku laayay degmada Wadajir iyo qaraixii is-miidaaminta ahaa ee maanta lagu dilay 15 qof oo intooda badan jirkoodu googo’ay, laakiin madaxtooyada iyo mas’uuliyiinta dowladda ayaa ka gaabsaday u tacsiyeyntooda.
خالص عزائنا لمصر شعبا ودولة، ولأهالي وعائلات شهداء كنيستي #طنطا و#الاسكندرية ، وكل تمنياتنا بالشفاء لجميع المصابين #الإرهاب_لا_دين_له #مصر
— Villa Somalia (@TheVillaSomalia) April 9, 2017
Goobjooge.com
