Waxaa magaalada Kismaayo ka socda dhageysiga khudbadaha ay jeedinayaan musharixiinta u taagan xilka Aqalka Sare ee maamulka Jubbaland.
19 Musharax ayaa khudbadahooda ka hor jeedinaya xildhibaanada baarlamaanka Jubbaland si ay u soo bandhigaan waxqabadooda haddii loo doorto Aqalka Sare ee Baarlamaanka Soomaaliya.
Baarlamaanka maamulka Jubbaland ayaa berri lagu wadaa in ay codeeyaan xubnaha u taagan ka mid noqoshada Aqalka Sare oo laga sugayo inay doortaan 8 xubnood.
Madaxweynaha Jubba Axmed Madoobe ayaa ku adkeystay inuusan waxba ka bedelin liiska musharixiinta isagoo ka gaabsaday dalabkii Guddiga Doorashooyinka iyo Beesha Caalamka si ay uga muuqato qoondada haweenka, inkastoo markii danbe uu ku sameeyay isbedel kooban oo cabsi laga qabo inay qoondada haweenku khatar gasho.
Wararka ayaa sheegaya in baarlamaanka Jubba ay wadaan qorshe laba haween ah lagu loogu soo dooranayo aqalka sare si looga badbaado cadaadiska beesha caalamka.
Goobjooge.com
