Madaxweynaha dalka Kenya Uhuru Kenyatta ayaa u hambalyeeyay Madaxweynaha cusub ee Jamhuuriyadda Federaalka Soomaaliya, Mudane Xasan Sheekh Maxamuud.
Dhambaalkiisa hambalyada ah ayuu Madaxweyne Uhuru Kenyatta u rajeeyay Madaxweynaha cusub ee Soomaaliya guul inta uu la wareegayo hoggaanka dalka, waxaana uu u ballan qaaday in Kenya ay sii wadi doonto wadashaqeynta iyo garab istaagga.
Kenya ayaa ka mid ahayd dalalka uu xumaaday xiriirkii ay la lahayd Soomaaliya inta uu talada hayey madaxweynihii hore Maxamed C/llaahi Farmaajo.
