Madaxweynaha Soomaaliya ayaa ka mid noqday madaxdii ugu horeysay ee hambalyada u dirtay dhaxal-sugaha cusub ee Boqortooyada Sacuudiga.
Madaxweyne Maxamed C/llaahi Farmaajo ayaa farriin u diray Amiir Maxamed Bin Salmaan oo maanta aabihii boqorka Sacuudiga Salmaan Bin C/casiis u magacaabay inuu noqdo dhaxal-sugaha dalkaasi.
“Waxaan u hambalyeynayaa walaalkey Amiir Maxamed Bin Salmaan oo u adeegaha labada Xaram u magacaabay dhaxal-sugaha Boqortooyada, waxaan u rajeynayaa guul iyo horumar”.. ayuu farriintiisa ku yiri Madaxweyne Farmaajo.
Madaxdii ugu horeysay ee Dhaxal-sugaha cusub telefoonada u diray waxaa ka mida Boqorka Jordan Boqor Cabdalla iyo madaxweynaha Masar C/fataax Alsiisi.
رئيس الجمهورية: "أهنئ أخي الأمير محمد بن سلمان على تعيين خادم الحرمين الشريفين له وليا للعهد في المملكة، وأتمنى له التوفيق والنجاح".
— Villa Somalia (@TheVillaSomalia) June 21, 2017
