Madaxweynaha Soomaaliya Maxamed C/llaahi Farmaajo ayaa ka qeyb galay xafladii furitaanka Aagga Ganacsiga Xorta ah ee dalka Jabuuti oo dowladda Shiinaha ay ka hirgelisay Jabuuti.
Farmaajo ayaa ka mid ahaa madaxweynayaasha lagu casuumay xafladda, wuxuuna halkaasi ka jeediyey khudbad uu ku bogaadiyey horumarka dalka Jabuuti, wuxuuna sheegay in furitaanka Aagga Ganacsiga Xorta ah ee Jabuuti uu tallaabo hore loogu qaaday iskaashiga Afrika.
Munaasbadii furitaanka Aagga Ganacsiga Jabuuti ee xorta ah waxaa ka qeyb galay madaxda Dalal Afrikaan ah iyo kuwa deriska oo ay ka mid yihiin Madaxweynaha Suudaan, Madaxweynaha Rwanda, madaxweynaha Soomaaliya iyo guddoomiyaha midowga Afrika.
