Madaxweynaha Soomaaliya Maxamed C/llaahi Farmaajo oo shalay dib ugu soo laabtay dalka ayaa kulan degdeg maanta la yeeshay taliyeyaasha ciidamada Qalabka sida ee dalka.
Sida ay shaacisay Madaxtooyada Soomaaliya Madaxweyne Farmaajo ayaa kulanka degdega ah isugu yeeray Taliyeyaasha ciidamada, isagoo faray in ay si dhaqso ah ula yimaadaan warbixin dhammeystiran oo ku saabsan amniga iyo qaraxyadii dhacay maalintii Jimcaha.
Saddex Qarax oo Alshabaab Jimcihii la beegsaday Hotelka Saxafi ayaa lagu dilay dad ka bnadan 50 qof, waxaana lagu dhaawacay 106 kale, waxaana arrintan ay dhalisay qeylo dhaan ku saabsan xaaladda amniga Muqdisho.
Taliyeyaasha ciidamada Qalabka sida ayaa maalintii Jimcaha lagu arkay iyagoo ka wada qeyb galaya xaflad loo sameeyay Shirkadda Diyaaradaha Ethopian Airlines, taasoo dad badan ay la yaabeen, waxaana lagu arkaa xafladaha iyo munaasabadaha.
