Muran ka dhashay shaqo ka eryid lagu sameeyay madaxa qeybta hagista diyaaradaha Garoonka diyaaradaha magaalada Muqdisho ayaa saameyn ku yeeshay maanta howlihii shaqo ee Garoonka.
Shaqaalaha Garoonka Diyaaradaha Aadan Cadde ee Magaalada Muqdisho, gaar ahaan qeybta kala hagista diyaaradaha (Marshaalka) ayaa ku dhaqaaqay shaqo joojin, kadib markii shaqadda laga eryay madixii qeybtaasi ninka lagu magacaabo Farxaan Black.
Wararka ayaa sheegay in arrintan ay timid kadib markii shilal fudud ay ka dhaceen gudaha garoonka, iyadoo laba diyaaradood ay is isku dhaceen, inkastoo shilku ahaa mid fudud, haddana waxaa arrintan eedeeda dusha loo saaray madaxa hagista, waxaana hore u jiray shilal lagu sigtay iyo arrimo kale oo ugu danbeyn keenay in shirkadda Turkiga ee gacanta ku heysa Garoonka Muqdisho Favouri ay shaqada ka ceyriso Farxaan Black.
Shaqaalaha qeybta hagista Garoonka Aadan Cadde oo gaaraya 10 qof ayaa la saftay ninka madaxda u ahaa ee shaqada laga eryay, iyagoo ku dhaqaaqay shaqo joojin, kuna dooday inay shqaada lagu soo celiyo ama ay ka wada tegayaan, waxayna wararku sheegayaan in shirkadda aysan wax debecsanaan ah u muujin.
