Sunday, October 25, 2020
More

    Maxaad ka taqaan Ra’iisal wasaaraha cusub ee Soomaaliya, Yaase ka danbeeyay magacaabidiisa..? (Akhriso)

    Madaxweynaha Soomaaliya Maxamed C/llaahi Farmaajo ayaa xalay saqdii dhexe 17 September 2020 soo magacaabay Ra’iisal wasaaraha cusub ee Soomaaliya, kadib markii laga sugayeymuddo 55 maalmood ah oo dalku ahaa Ra’iisal wasaare iyo xukuumad la’aan.

    Ra’iisal wasaaraha cusub ayaa lagu magacaabaa Eng. Maxamed Xuseen Rooble, waana injineer qurbe-joog ah oo siyaasadda ku cusub, isagoo inta badan lasoo shaqeeyay Hay’adda Shaqaalaha Adduunka ee ILO, magacaabidiisa ayaana kusoo beegantay saacado kadib markii heshiis laga gaaray Doorashada 2021.

    Ad

    Mudane Maxamed Xuseen Rooble wuxuu sanadkii 1963 ku dhashay degmada Hobyo ee Gobolka Mudug, waana qurbe-joog heysta dhalashada dalka Sweden oo qoyskiisu degan yihiin, wuxuuna muddo dheer oo ka badan 14 sano la shaqeynayey Q/Midoobay, gaar ahaan hay’adda International Labor Organization (ILO).

    Wuxuu ka baxay Jaamacaddii Umadda oo Darajada koowaad ee Injineernimada uu ka qaatay, kadibna wuxuu Shahaadada labaad ee Master-ka ka qaatay Jaamacadda KTH (Kungliga Tekniska Högskolan) ee Stocholm, Sweden isagoo bartay Environmental Engineering and Sustainable Infrastructure, waa xaas leh 5 caruur ah, oo ku hadla ilaa saddex Luuqadood Somali English & Swedish.

    Xogta la helay ayaa sheegeysa in Ra’iisal wasaaraha cusub ay Madaxweyne Farmaajo ku qanciyeen inuu magacaabo guddoomiye ku xigeenka koowaad ee Baarlamaanka C/weli Ibraahim Muudey iyo sii-hayaha Wasiirka Batroolka & Macdanta C/rashiid Maxamed oo ay wada shaqeyn jireen, dhowr jeerna uu Madaxweyne Farmaajo kulamo la yeeshay.

    Xilligan oo dalku ku jiro xaalad kala guur ah, Ra’iisal wasaaraha cusubi wuxuu kusoo dhex dhacay xaalad aan hore u soo marin Ra’iisal wasaareyaashii ka horeeyay, iyadoo xilliga dowladda Madaxweyne Farmaajo uu gabaabsi tahay ayaa haddana laga rabaa inuu soo dhiso xukuumad shaqada kaliya ee laga rabo ay tahay inay fuliso qabashada Doorasho dadban oo si adag la isugu heysto.

    W/D: Goobjooge.net



    Warar Xul ah

    NAGULA SAAXIIB BARAHA BULSHADA: Like Saar

    148,683FansLike
    2,064FollowersFollow
    5,658FollowersFollow
    148,683FansLike
    2,064FollowersFollow
    5,657FollowersFollow

    TOP NEWS

    Maxkamadda Ciidamada oo xukunno ku riday Alshabaabkii ka baxsaday Xabsiga Dhexe iyo 9 Askari oo ka tirsan…

    Maxamadda Darajada koowaad ee Ciidamada Qalabka sida ayaa Maanta xukunno kala duwan ku riday 11 Qof oo ku eedeysan weerarkii ka dhacay...

    Jid muddo Sanado ah u xirnaa Safaarado oo la bilaabay in Dhagxaanta iyo Shubka laga qaado

    Jid muhiim ah oo muddo sanado ah u xirnaa safaarado kala duwan ayaa waxaa hadda socda howl adag oo dhagxaanta looga qaadayo.

    Ra’iisal Wasaare Rooble oo magacii ka bedelay xilliga ‘Kala-guurka’ ee xukuumadiisu kusoo beegantay

    Ra'iisal wasaaraha xukuumadda Soomaaliya ayaa magaca ka bedeley waqtiga 'KALA GURKA' ah ee ay xukuumadiisa kusoo beegantay, iyadoo dalku doorasho gelayo mudaddii...

    Xukuumaddii ugu waqtiga yareyd ee Ra’iisal wasaare Rooble oo la ansixiyey iyo Wasiirada oo la dhaariyey

    Baarlamaanka Federaalka ayaa maanta codka kalsoonida siyey Xukuumadda cusub ee Soomaaliya iyo Barnaamijkeeda. Golaha wasiirada...

    Ganaax lagu riday Haweeney ah Xeer ilaaliye ku-xigeen oo khilaaf ka dhaliyay Hay’adaha Garsoorka (Akhriso)

    Waxaa soo shaac baxay khilaaf u dhaxeeya Maxkamadda Gobolka Banaadir iyo xafiiska Xeer ilaalinta Guud kadib markii ganaax lagu riday haweeney ah...

    Kulan magaalada Nairobi ku dhex maray Xasan Cali Kheyre iyo Sheekh Shariif iyo Arrimaha looga hadlay

    Wararka laga helayo magaalada Nairobi ayaa sheegaya in Ra'iisal wasaarihii hore ee Soomaaliya uu magaalada Nairobi kula kulmay Madaxweynhii hore Shariif Sheekh...

    Weriye C/llaahi Kulmiye: “Nabadsugidda iyo ciidamada Ra’iisal wasaare Rooble ayaa isoo weerarray..”

    Weriye C/llaahi Kulmiye Caddow oo maanta laga sii daayey xabsiga Godka Jilacow oo uu muddo 5 maalin ku dhowaad ah ku jiray...

    WARARKA UGU SHIDAN

    error: Content is protected !!