Tababar ay Saraakiisha ciidamada midowga Yurub siiyeen ciidamo ka tirsan milateriga Soomaaliya ayaa lagu soo gabagabeeyay magaalada Muqdisho.
Abaanduulaha Taakuleynta Taliska Ciidanka xoogga dalka Soomaaliyeed Geb. Bile Maxamed Aadan iyo Abaanduulaha Qeybta 12–ka April, ahna Madaxa howlgelinta qeybta Gen. Maxamuud Macalin Koront, ayaa tababarka u soo xiray Saraakiil ka tirsan Qeybta 12-ka April oo loo tababbray adeegsiga isgaarsiinta casriga ah.
Tababarka oo ay bixiyeen saraakiisha Midowga Yurub waxaa mudaddii tababarku socday saraakiisha Soomaalida ay barteen Isticmaal isgaarsiinta Casriga ah iyo qaabka loo fuliyo Howlgalada gaarka ah.
Gen Bile iyo Gen Koronto oo la hadlay Saraakiishaasi, ayaa kula dardaarmay inay la yimaadaan howlkarnimo, isla markaana aqoontii ay barteen ay uga faa’iideeyaan Ciidanka, iyaggo ugu baaqay inay dhexda u xirtaan siddii dalka looga xoreyn lahaa Kooxda Alshabaab.
