Musharixiin iyo siyaasiyiin hor leh ayaa taageeray ololaha musharaxnimo ee Shariif Sheekh Axmed, madaxweynihii hore ee Soomaaliya oo ka socda magaalada Muqdisho.
Siyaasiyiinta taageeray ololaha Shariif Sheekh Axmed ee la kulmay waxaa ka mida: Cali Maxamed Geedi, Salaad Cali Jeele, C/raxmaan Ibraahim Cali (Shiiraar), Garaad Cagey, Xildhibaan C/wahaab Ugaas Xuseen Ugaas Khaliif, Xuseen Caraale Caddaan iyo xubno kale.
Hore waxaa musharaxnimada Sheekh Shariif u taageeray madaxweynaha Hirshabeelle Cali C/llaahi Cosoble iyo madax kale oo aan la shaacin, kuwaasoo ujeedkoodu yahay in laga hortago dib u doorashada Xasan Sheekh.
Musharixiinta iyo siyaasiyiintan oo ka horjeeda Xasan Sheekh Maxamuud, ayaa sheegay in Xasan Sheekh uu dalka u horseeday dib u dhac iyo musuqmaasuq afartii sano ee la soo dhaafay.
