Wararka laga helayo magaalada Baraawe ee Gobolka Shabeellaha hoose ayaa sheegaya in halkaasi lagu dilay nabadoon caan ahaa.

Dabley hubeysan ayaa xalay ku dilay Degmada Baraawe Nabadoon caan ka ahaa halkaasi oo lagu magacaabi jiray Maxamed Aadan oo ku magac dheer (Caamir Muuse). Dableyda ayaa dilka kadib goobta ka baxsatay.

Wararka ayaa sheegaya in Nabadoonka in gurigiisa ay ku weerarreen dableyda oo Bistoolado ku hubeysnaa, halkaasoo ay kala baxeen kadibna ku duleen duleedka gurigiisa.

Maamulka Degmada Baraawe ayaa dilka nabadoonka ku eedeeyay inay ka dambeeyeen Alsahbaab, iyagoo ka yimid duleedka magaalada, wuxuna nabadoonkan noqonayaa kii labaad ee Baraawe lagu dilo bil gudaheed.