Guddiga xalinta khilaafaadka Doorashada soo saaray go’aan lagu joojiyay diiwaan gelinta ergooyinka doorashada aqalka hoose ee beelo ka tirsan Puntland.
Guddoomiyaha Guddiga heer Puntland iyo xubno ka mida Guddiga ayaa sheegay inay soo gaartay dacwooyin badankood lid ku ah beelihii ergooyinkooda shalay ay ku dhawaaqeen guddiga doorashooyinka Heer Puntland.
Guddiga ayaa amray guddiga doorashada dadban ee heer Puntland inaysan xareyn karin, lamana diiwaan gelin karin, isla markaana loo sameyn karin kaarar Aqoonsi, ilaa iyo inta go’aan kama dambeys ah uu kasoo baxayo guddiga khilaafaadka.
Beelaha laga joojiyay xareynta iyo diiwaangalinta ergooyinkooda waxay kala yihiin:
- Beesha Ciise Maxamuud
- Beesha Warsengali
- Beesha Dashiishle
- Beesha Cali Saleebaan
- Beesha Madhibaan.
Go,aankan kazoo baxay guddiga xalinta khilaafaadka doorashada 2016 ayaa imaanaya ka dib markii ay shalay shaaciyeen Guddiga Doorashadda Dadban ee heer Puntland in 5ta bishan November 2016 la qaban doono doorashadda Aqalka hoose ee Barlamaanka , islamarkaana ay bilaabayaan diwaangalinta iyo xaraynta Ergooyinka 8 beelood oo dooranaya 12 Xildhibaan oo Puntland u matalaya Aqalka Hoose ee Barlamaanka Federaalka Soomaaliya.
Goobjooge.com
