Magaalada Dhuusamareeb ee xarunta Maamulka Galmudug waxaaa maanta gaaray wafdi ka socday dowladda Federaalka iyo Qaramada Midoobey xafiiskeeda Soomaaliya ee UNPOS.

Waxaa wafdiga hogaaminayey Wasiirka Gaadiidka iyo Duulista Hawada Maxamed C/llaahi Salaad Oomaar iyo xubno gaaraya 8 oo ka socda xafiiska Qaramada Midoobey ee Muqdisho, waxayna kormeer ku sameeyeen garoonka diyaaradaha Dhuusamareeb iyo ilaa lix dhisme oo UN-ka la siiyay si ay uga doortaan xaruntii ay degi lahaayeen.

Wakiilka Qaramada Midoobay ee Soomaaliya Micheal Keating ayaa sheegay inay Xafiis ka furanayaan magaalada Dhuusamareeb, iyadoo wafdiga UN-ka uu ahaa hordhac qiimeyn ku sameynayay dhismaha xarunta UN-ka ku yeelanayo magaaladaasi.

Wadfiga dowladda Soomaaliya ayaa isna balanqaaday in dib u dhis lagu sameynayo garoonka Dhuusamareeb oo heerkiisu hooseeyo, iyagoo la kulmay Madaxa Xukumada Maamulka Galmudug Shiikh Maxamed Shaakir.