Booliska ayaa sheegay in la qabtay qofkii waday Gaari laga soo buuxiyey waxyaabaha qarxa oo Caawa ku qarxay magaalada Muqdisho, agagaarka Beerta Nabadda iyo Hotelka Muna.
Taliye ku xigeenak ciidamada Booliska Zakiya Xuseen ayaa sheegtay baabuurka oo noociisa ahaa Toyota NOAH uu ku qarxay meel barxad ah kuna taal dhabarka dambe ee iskaashatada gadiidka Xamarweyne, iyadoo aanu geysan wax qasaaro naafeed ah oo dhimasho iyo dhaawac ah.
Waxay intaas ku dartay in gacanta lagu soo dhigay dhagarqabihii waday baabuurka qarxay, iyadoo faahfaahin kale bixin, waxaana hadda xiran goobta uu qaraxu ka dhacay.
